Benefits Of Laughing
हसणे आणि आनंदी राहणे आरोग्यासाठी फायदेशीर आहे. World Laughter Day म्हणजेच जागतिक हास्य दिन दरवर्षी मे महिन्याच्या पहिल्या रविवारी साजरा केला जातो. यावेळी जागतिक हास्य दिन आज म्हणजेच ७ मे रोजी साजरा केला जात आहे.
आपल्याला हे माहिती आहेच कि, हसणे हे नैराश्यासाठी टॉनिकचे काम करते. अनेकवेळा नैराश्यातही खोटे अट्टहास दाखवून, सत्य लपवण्याचे काम लोक करतात.
हास्य शरीरात ऊर्जा भरण्याचे काम करते. हसण्याने मेंदू तर सक्रिय होतोच, पण चेहऱ्यावर चमकही येते. याशिवाय हसणे स्मरणशक्ती वाढवण्याचे काम देखील करते. या आर्टिकल मध्ये आपण बघणार आहोत हसण्याचे फायदे
हसण्याचे 6 फायदे
- शांत झोप लागते.
अधिक हसणे देखील शांत झोपेशी थेट संबंधित आहे. हसल्याने झोप सुधारते आणि शरीरात मेलाटोनिन हार्मोन तयार होते. त्यामुळे रात्री शांत झोप येण्यास मदत होते.
- सकारात्मक ऊर्जा वाढते.
आपल्या आजूबाजूचे वातावरणही हसण्याने आनंदी राहते आणि हसण्याने सकारात्मक ऊर्जाही वाढते. यामुळे आपली जीवनशैलीही बदलते.
- रोगप्रतिकारक शक्ती मजबूत राहते.
हसण्याचा थेट परिणाम रोगप्रतिकारक शक्तीवर होतो. मजबूत रोगप्रतिकारक शक्तीमुळे अनेक प्रकारचे रोग शरीरावर आक्रमण करत नाहीत. म्हणून हसणे शरीरासाठी खूप चांगले असते.
- हृदयरोग प्रतिबंधित करते.
आपण आपले शरीर निरोगी ठेवण्यासाठी योगासने करतो. पण हसणे आपल्याला आतून मजबूत बनवते. हसण्याने आपल्या शरीरातून एंडॉर्फिन नावाचा हार्मोन बाहेर पडतो, जो आपल्या हृदयासाठी चांगला असतो.
त्याच वेळी, हसण्यामुळे हृदयविकाराचा झटका आणि इतर अनेक प्रकारच्या हृदयाच्या समस्यांचा धोका देखील कमी होतो. हास्याचा हृदयाशीही संबंध असतो. जे लोक हसतात, आनंदी असतात, त्यांना हृदयविकाराचा धोका कमी असतो.
- दुखण्यापासून आराम मिळतो.
हसण्याने एंडोर्फिन नावाचा हार्मोन बाहेर पडतो. यामुळे शरीरातील ताणतणाव दूर होण्यास मोठ्या प्रमाणात मदत होते. तणावमुक्त राहण्यासाठी हसण्यापेक्षा चांगले औषध नाही.
- लठ्ठपणा कमी होतो.
एक तास हसण्याने 400 कॅलरीज ऊर्जा खर्च होते, ज्यामुळे लठ्ठपणा नियंत्रणात राहतो. तुम्हाला माहित असेल, की जे लोक तणावाखाली असतात त्यांना कधीकधी जास्त भूक लागते. मेंदू नीट काम करू शकत नाही. जे लोक कमी हसतात त्यांच्यामध्ये लठ्ठपणाचा धोका खूप जास्त असतो. म्हणून हसत राहा.
हे वाचलंत का ? –
