National Pension Scheme : तुम्हाला तुमच्यासोबत तुमच्या कुटुंबाचे भविष्य सुरक्षित करायचे असेल, तर ही बातमी खास तुमच्या साठी आहे. जर तुम्हाला तुमच्या पत्नीला स्वावलंबी बनवायचे असेल आणि पैश्यांची काही गुंतवणूक करायची असेल, तर या आर्टिकल मध्ये आम्ही तुम्हाला त्याबद्दल माहिती देऊ. हे नियमित उत्पन्न तुमच्या उत्पन्नापेक्षा पूर्णपणे वेगळे असेल.
यासाठी तुम्ही तुमच्या पत्नीचे खाते राष्ट्रीय पेन्शन योजनेत (National Pension Scheme) उघडू शकता. येथे केलेली गुंतवणूक तुमचे भविष्य सुरक्षित करते.
मॅच्युरिटीवर एकरकमी रक्कम मिळेल
नॅशनल पेन्शन स्कीम (NPS) खाते पत्नीच्या नावाने उघडल्यास अनेक फायदे होतील. NPS खात्यातून, तुमच्या पत्नीला खात्याच्या मॅच्युरिटीवर म्हणजेच वयाच्या 60 व्या वर्षी एकरकमी रक्कम मिळेल. एवढेच नाही, तर दर महिन्याला पत्नीला पेन्शन म्हणून नियमित पैसेही मिळणार आहेत. त्यासोबतच NPS खात्याच्या माध्यमातून तुम्ही तुमच्या पत्नीला दरमहा किती पेन्शन मिळेल हे देखील ठरवू शकता. या गुंतवणुकीमुळे, तुमची पत्नी आणि कुटुंब वयाच्या 60 वर्षांनंतर आर्थिकदृष्ट्या कोणावरही अवलंबून राहणार नाही.
प्रत्येक वर्षी किंवा महिनेवारी गुंतवणूक करा
तुम्ही तुमच्या सोयीनुसार, दर महिन्याला किंवा वार्षिक NPS मध्ये गुंतवणूक करू शकता. तुम्ही फक्त 1,000 रुपयांमध्ये NPS खाते उघडू शकता. NPS खाते वयाच्या 60 व्या वर्षी परिपक्व होते. भूतकाळातील बदललेल्या नियमांनुसार, तुम्ही वयाच्या 65 वर्षापर्यंत NPS खात्यात गुंतवणूक करू शकता.
पेन्शन सुमारे 45,000 रुपये असेल.!
येथे एक उदाहरण बघितले तर, समजा तुमची पत्नी सध्या 30 वर्षांची आहे आणि तुम्ही तिच्या NPS खात्यात वार्षिक 60000 रुपये किंवा मासिक 5000 रुपये गुंतवले, तर या गुंतवणुकीवर वार्षिक 10 टक्के परतावा मिळत असेल, तर वयाच्या 60 व्या वर्षी त्याच्या खात्यात एकूण 1.13 कोटी रुपये असतील. यातून त्यांना सुमारे ४५ लाख रुपये मिळतील. याशिवाय त्यांना दरमहा सुमारे 45,000 रुपये पेन्शन मिळू लागेल. सर्वात महत्त्वाची गोष्ट म्हणजे त्यांना हे पेन्शन आयुष्यभर मिळत राहणार.
तुम्हाला किती पेन्शन मिळेल?
- वय – 30 वर्षे
- एकूण गुंतवणुकीचा कालावधी – 30 वर्षे
- मासिक कंट्रीब्यूशन – रु 5,000
- गुंतवणुकीवर अंदाजे परतावा – 10 टक्के
- एकूण पेन्शन फंड – रु 1,13,96,627
- अॅन्युइटी प्लॅन खरेदी करण्याची रक्कम – रु 45,58,651
- अंदाजे वार्षिकी दर 8% – रु. 68,37,976
- मासिक पेन्शन – सुमारे 45,000 रुपये
हे वाचलंत का ? –
- GST चोरी रोखण्यासाठी सरकारचा मोठा उपक्रम, मिळणार एक कोटी चे बक्षीस
- या देशात सर्वाधिक पगार मिळतो, भारताचा यात कितवा क्रमांक