World Health Day in Marathi
जागतिक आरोग्य दिवस
७ एप्रिल हा जागतिक आरोग्य दिवस (World Health Day) म्हणून साजरा केला जातो.
संधिवात, ऑस्टियोआर्थरायटिस, फायब्रोमायल्जिया, पोटात अल्सर, कॅन्सर, मल्टिपल स्क्लेरोसिस, एड्स आणि पित्ताशयाचा आजार यांसारख्या आजारांमध्ये तीव्र वेदना होणे सामान्य आहे.
या आजारावर वेळेवर उपचार न केल्यास, शरीरावर घातक परिणाम होऊ शकतो. विविध आरोग्य परिस्थितींबद्दल जागरूकता पसरवण्यासाठी दरवर्षी 7 एप्रिल हा दिवस जागतिक आरोग्य दिन म्हणून साजरा केला जातो.
जर तुम्ही तुमच्या रोजच्या दैनंदिन जीवनातील होणाऱ्या वेदनांकडे दुर्लक्ष करत असाल, तसेच ताणतणाव आणि व्यस्त जीवनशैलीला दोष देत आहेत, तर तुम्ही कदाचित स्वत:चे नुकसान करत आहे . ज्या वेदना तुमच्या शरीरात सतत होत राहतात.
तसेच अनेक महिने किंवा वर्षे टिकून राहतात. ते रोग कमतरतेचे लक्षण असू शकतात. सतत होणारी डोकेदुखी हे ब्रेन ट्यूमर दर्शवू शकते, तर छातीत दुखणे हे हृदयाच्या स्थितीचे लक्षण असू शकते. पोटदुखी गॅस्ट्रोइंटेस्टाइनल हा विकार मूत्रमार्गात संक्रमण किंवा पुनरुत्पादक प्रणालीच्या समस्यांमुळे असू शकते.
त्तुम्ही दररोज अनुभवत असलेल्या कोणत्याही वेदनांकडे लक्ष द्या. या लक्षणांकडे दुर्लक्ष केल्यास, गंभीर आरोग्य समस्या उद्भवू शकतात. आपल्याला वेदना सामान्य वाटतात, ज्यांकडे दुर्लक्ष केले जाते, जसेकी डोकेदुखी, सांधेदुखी, पाठदुखी यांचा समावेश आहे.
तसेच पोटदुखी, छातीत दुखणे आणि दात दुखणे या समस्या शरीरात लोह किंवा व्हिटॅमिन डी च्या कमतरतेमुळे असू शकते. अशा परिस्थितीत आहारात बदल केल्यास वेदना कमी होण्यास मदत होते. इतर काही वेळा, या वेदना कर्करोग किंवा स्वयंप्रतिकार रोग यांसारख्या गंभीर परिस्थितीची आजाराचे चिन्हे असू शकते.
त्यामुळे, शारीरिक तपासणी करणे आणि आवश्यक निदान चाचण्यांसह तुमच्या डॉक्टरांकडून आजाराचे सखोल मूल्यमापन करणे महत्त्वाचे आहे.
1) छातीत दुखणे
छातीत दुखणे हे एक जीवघेणे लक्षण आहे. ज्याकडे कधीही दुर्लक्ष करू नये . छातीत दुखत असल्यास ताबडतोब वैद्यकीय मदत घेणे आवश्यक आहे,
कारण ते हृदयविकाराचा झटका (Heart Attack) किंवा पल्मोनरी एम्बोलिझम सारखी गंभीर आजार दर्शवू शकतो. छातीत दुखणे बहुतेकदा हृदयविकाराच्या झटक्याशी संबंधित असते, परंतु ते ऍसिड रिफ्लक्स किंवा फुफ्फुसातील रक्ताची गुठळी यांसारख्या इतर परिस्थितींमुळे देखील होऊ शकते.
2) सांधेदुखी
सांधेदुखी हि शरीराला झालेली दुखापत जळजळ होणे किंवा अंतर्निहित वैद्यकीय परिस्थितींसह अनेक घटकांमुळे होऊ शकते. सांधेदुखी कशामुळे होते. याचे कारण निश्चित करण्यासाठी आणि त्यावर एक प्रभावी उपचार योजना विकसित करण्यासाठी आरोग्यसेवा व्यावसायिकाकडून सखोल मूल्यमापन आवश्यक आहे.
3) स्नायू दुखणे
स्नायू दुखणे हे मुख्यत्वे व्हिटॅमिन डीच्या कमतरतेमुळे होते. शहरी भागात सूर्यप्रकाशाचा अभाव हे यामागील प्रमुख कारणांपैकी एक आहे. यामुळे शरीराच्या वेगवेगळ्या भागात सतत वेदना आणि स्नायू दुखू लागतात.
व्हिटॅमिनचे डी चे पुरेसे सेवन ही समस्या सोडवू शकते ,परंतु सर्व प्रथम वैद्यकीय तज्ज्ञाकडून याची तपासणी करून घेणे आवश्यक आहे.
4) डोकेदुखी असणे
डोकेदुखीचे प्रकार आणि तीव्रता ही डोकेदुखी चे मूळ कारणे ठरवतात, जसे की वारंवार डोकेदुखी (डोक्याची एक बाजू) हे मायग्रेनचे लक्षण असू शकते.
झोपेची कमतरता आणि तणाव यामुळे सुद्धा डोकेदुखी होऊ शकते. शरीरात लोहाची तीव्र कमतरता असलेल्या लोकांना देखील डोकेदुखीची तक्रार होऊ शकते.
- मोहिनी सदाफळे राऊत
हे वाचलंत का ? –
