Cbse class 12th result 2026
CBSE results class 12th CBSE Board : CBSE बोर्डाच्या इयत्ता 12 वीच्या निकालाची लाखो विद्यार्थी आतुरतेने वाट पाहत आहेत. यावर्षी 18 लाखांहून अधिक विद्यार्थ्यांनी परीक्षा दिली असून, निकाल मे महिन्याच्या दुसऱ्या आठवड्यात जाहीर होण्याची शक्यता व्यक्त केली जात आहे.
निकाल कधी लागण्याची शक्यता?
मागील काही वर्षांचा ट्रेंड आणि CBSE परीक्षा नियंत्रक संयम भारद्वाज यांनी दिलेल्या माहितीनुसार, CBSE 12 वीचा निकाल 11 मे ते 17 मे 2026 दरम्यान जाहीर होऊ शकतो. मागील तीन वर्षांत निकाल साधारणपणे 12 किंवा 13 मे रोजी जाहीर झाला होता.
काही मीडिया रिपोर्ट्सनुसार निकाल मेच्या तिसऱ्या आठवड्यातही लागू शकतो, मात्र CBSE कडून अद्याप अधिकृत तारीख जाहीर करण्यात आलेली नाही.
पास होण्यासाठी किती मार्क्स आवश्यक?
CBSE नियमानुसार विद्यार्थ्यांना प्रत्येक विषयात किमान 33 टक्के गुण मिळवणे आवश्यक आहे. थिअरी आणि प्रॅक्टिकल या दोन्ही भागांमध्ये स्वतंत्रपणे पात्र ठरणे गरजेचे असते.
ग्रेस मार्क्स कोणाला मिळतात?
जे विद्यार्थी 1 किंवा 2 गुणांनी नापास होत असतील, त्यांना CBSE कडून ग्रेस मार्क्स दिले जाऊ शकतात. तसेच प्रश्नपत्रिका खूप कठीण, लांब किंवा अभ्यासक्रमाबाहेरील प्रश्न असल्यासही बोर्ड अतिरिक्त गुण देऊ शकतो.
यंदा OSM सिस्टीममुळे निकाल लवकर?
CBSE ने यावर्षी On-Screen Marking (OSM) प्रणाली लागू केली आहे. या प्रणालीत शिक्षक स्कॅन केलेल्या उत्तरपत्रिका डिजिटल पद्धतीने तपासतात. त्यामुळे मूल्यमापनाची प्रक्रिया जलद होऊन निकाल वेळेत जाहीर करण्यास मदत होणार आहे.
ग्रेडिंग सिस्टीम कशी असते?
CBSE मध्ये विद्यार्थ्यांना खालीलप्रमाणे ग्रेड दिल्या जातात:
- A1 – सर्वोच्च कामगिरी करणारे विद्यार्थी
- A2
- B1
- B2
- C1
- C2
- D1
- D2
- E – नापास विद्यार्थी
निकाल कुठे पाहता येईल?
निकाल जाहीर झाल्यानंतर विद्यार्थी खालील अधिकृत वेबसाइट्सवर जाऊन मार्कशीट डाउनलोड करू शकतात:
विद्यार्थ्यांना रोल नंबर, स्कूल नंबर आणि अॅडमिट कार्ड आयडीची आवश्यकता भासेल.